సిగ్మాతెలుగు డాట్, ఇన్ న్యూస్: ఇండియన్ బ్యాంక్ అప్రెంటీస్ పోస్టుల భర్తీకి దరఖాస్తులు కోరుతున్నారు. అర్హత గల అభ్యర్థులు ఇండియన్ బ్యాంక్ అధికారిక వెబ్‌సైట్ (indianbank.in) ద్వారా ఆన్‌లైన్‌లో దరఖాస్తు చేసుకోవాలి, ఈ రిక్రూట్‌మెంట్ డ్రైవ్ సంస్థలో 1500 అప్రెంటీస్ పోస్టులను భర్తీ చేస్తుంది. రిజిస్ట్రేషన్ ప్రక్రియ ఈరోజు (జూలై 10న) ప్రారంభమైంది. జూలై 31, 2024న దరఖాస్తు ప్రక్రియ ముగుస్తుంది. పోస్టులకు దరఖాస్తు చేసుకోవాలనుకునే అభ్యర్థులు గుర్తింపు పొందిన యూనివర్శిటీ నుంచి ఏదైనా విభాగంలో గ్రాడ్యుయేట్ డిగ్రీని లేదా కేంద్ర ప్రభుత్వంచే గుర్తించిన ఏదైనా సమానమైన అర్హతలను కలిగి ఉండాలి. అభ్యర్థులు 31.03.2020 తర్వాత గ్రాడ్యుయేషన్ పూర్తి చేసి ఉత్తీర్ణత సర్టిఫికేట్ కలిగి ఉండాలి. అభ్యర్థి వయస్సు పరిమితి 20 నుంచి 28 ఏళ్ల మధ్య ఉండాలి. అయితే, ప్రభుత్వం ప్రకారం.. SC/ST/OBC/PWBD మొదలైన కేటగిరీలకు గరిష్ట వయోపరిమితిలో సడలింపు ఉంటుంది. జనరల్/ ఓబీసీ/ ఈడబ్ల్యూఎస్ కేటగిరీకి దరఖాస్తు రుసుము రూ. 500/, ఎస్సీ/ఎస్టీ/పీడబ్ల్యూబీడీ కేటగిరీ అభ్యర్థులకు దరఖాస్తు రుసుము చెల్లింపు నుంచి మినహాయింపు ఉంది.అప్రెంటీస్ పోస్టులకు దరఖాస్తు చేసుకునే అభ్యర్థులను ఆన్‌లైన్ రాత పరీక్ష, స్థానిక భాషా నైపుణ్యం పరీక్ష ద్వారా ఎంపిక చేస్తారు.ఆబ్జెక్టివ్ పరీక్షల్లో తప్పు సమాధానాలకు నెగెటివ్ మార్కులు వస్తాయి.కాల్ లెటర్‌లు అభ్యర్థులకు ఇమెయిల్ ద్వారా లేదా బ్యాంక్ వెబ్‌సైట్ లేదా https://apprenticeshipindia.org/ లేదా https://nsdcindia.org/apprenticeship ద్వారా జారీ అవుతాయి.