సిగ్మాతెలుగు డాట్, ఇన్ న్యూస్: భారత ప్రభుత్వ రైల్వే మంత్రిత్వ శాఖ ఆధ్వర్యంలోని రైల్వే రిక్రూట్‌మెంట్ బోర్డు (RRB).. దేశ వ్యాప్తంగా ఉన్న అన్ని రైల్వే జోన్లలో సెక్షన్‌ కంట్రోలర్‌ (CEN No.03/2026) పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ నోటిఫికేషన్‌ కింద మొత్తం 119 సెక్షన్‌ కంట్రోలర్‌ పోస్టులను భర్తీ చేయనుంది. డిగ్రీ అర్హత కలిగిన అభ్యర్థులు ఆన్‌లైన్‌ విధానంలో జులై 16 నుంచి దరఖాస్తు చేసుకోవచ్చు. అభ్యర్ధుల వయోపరిమితి తప్పనిసరిగా 20 నుంచి 33 ఏళ్ల మధ్య ఉండాలి. ఈ అర్హతలు కలిగిన వారు ఆన్‌లైన్‌ విధానంలో ఆగస్టు 14, 2026వ తేదీ వరకు దరఖాస్తులు చేసుకోవచ్చు. దరఖాస్తు ఫీజు కింద జనరల్‌/ బీసీ/ ఈడబ్ల్యూఎస్‌ అభ్యర్ధులు రూ.500, ఎస్సీ/ ఎస్టీ/ మహిళలు/ ట్రాన్స్‌జెండర్‌/ ఎక్స్‌సర్వీస్‌మెన్‌/ దివ్యాంగ అభ్యర్థులు రూ.250 చొప్పున చెల్లించవల్సి ఉంటుంది. కంప్యూటర్‌ ఆధారిత రాత పరీక్ష, కంప్యూటర్‌ ఆప్టిట్యూడ్‌ టెస్ట్‌(CBAT), ధ్రువపత్రాల పరిశీలన, మెడికల్‌ ఎగ్జామినేషన్‌ ఆధారంగా తుది ఎంపిక చేస్తారు. ఎంపికైన వారికి నెలకు రూ.35,400 చొప్పున జీతంగా చెల్లిస్తారు.ఇతర అలవెన్సులు ఉంటాయి.